Зязиков Идриса цIерагIча стадионе дIайихьар, йийлла шахьара мини футболах йола турнир, кагийбарашта юкъе. Из хетаяь яр террораца къовсам лоаттабара Денна, хIаьта дIа а йихьар «Молодёжь против террора» яхача цIерах. Из вIашагIъеллар яр Илдарха-ГIала администраци.

Турнира чемпиона цIи яккха гIерташ яхье баьннараш бар: Илдарха-ГIала, Шолжа-шахьара командаш, иштта Эбарга-Юртара команда а. Котъяьннарех хилар «Карабулак» команда, дотув «Шолжа» команда даьккхар, хIаьта кхоалагIа, йиълагIа моттиг кхаьчар «Городок» (Илдарха-ГIала), «Хамхи» (Эбарг-Юрт).

Котбаьннарашта кубкаш, совгIаташ делар. Иштта белгалбир: дикагIа лейзараш, вратареш, защитникаш, царна совгIата лаьрхIа цхьацца футбольни бургацаш ялар.

Хоам бу, командашта, футболисташта совгIаташ луш дакъалоацаш хилар: Илдарха-ГIала кулгалхочун гIонча Джандиганаькъан Азраил, ГIалгIай Республика МВД чуйоагIача Общественни совета доакъашхо Амаков Хьусен, ГIалгIайчен Кулгалхочун чуйоагIача Къонабарий совета кулгалхо Барханой Урусхан, Илдарха-ГIала Къаьнабарий совета кулгалхо Угурчанаькъан ИбрахIам.