«Администраце болхлоша, Минэнерго оарцагIаяьккха, тоадаьд цхьацца йолча моттигашкара гIулакх. Базоркина оалача ураме, Центр-Камазе, ГIазе-Коа, иштта кхы а керда вахар Iодиллача бархI ураме — хий дикагIа доагIа хIанз. Хицара гIулакх аттачахьа даккхар дехаш леткъача бахархошка ладийгIа, тахан, из болх керда турбаш йохкаш, кхыдола кхоачамбоацараш юстарадоахаш дIахьоргба», — аьлар Йовлой Урусхана.

ХIара денна хIана дац аьнна, духхьал цу гIулакха тIехьа, дикагIча оагIорахьа хувцамаш деш, къахьег, аьлар пхье кулгалхочо. Энергетиках йолча министерства кулгалдеча Султыганаькъан Iумара яхачох, хицарча гIулакха, тахан, лакха тIахьожам лоатабеш ва вай Мехкда.

Цу гIулакха дIаухийташ дола ахча а, цун чIоагIонца хьакъоастадеш да. Доккхий белхаш дIахьош латт, тахан, альтиевски водозаборе. Министра хьоахадир, 2023-ча шера дIадахьа лерхIача белхех.