Хьалха я — парти «Единая Россия», цунна кхадж тассаб — 47,16% саго. Цанна тIехьа КПРФ-20, 89% оаз. КхоалагIа моттиг ЛДПР-7,9%, СРЗП (Справедливая Россия — За правду) — 7,54%, «Новые люди»-5,77%.

Тахкара жамIага хьежача, 60, 02% протоколаш, «Единая Россия» шеко йоацаш хьалха я, царна тIехьа россиянаш кхадж тассаб 194 цхьанмандатни округашка (225)-86,23%, КПРФ-15(6, 67%), СРЗП-8(3,56%), ЛДПР, «Яблоко», «Родина», «Партия Роста», «Гражданская платформа» — цхьацца (0,44%).

Уж гойтамаш хувцадала йиш йолаш да, бюллетенеш дукхагIа мел тохка. Чаккхен жамIаш ЦИКо хойтаргда, кхаь дийнахьарча хоржамашка, хоржамхой массайолча оазай чот яьчул тIехьагIа.