СВО доакъашхочо дехар даь, Инаркъера Доттагӏала урам тоабе болабеннаб тахан
30.09.2026 09:04
Инаркъерча Доттагӏала оалача урама хьал меттадоаладеш боахк тахан болхлой. Тӏема операце доакъашхочун дезало дехарах кхоачашдеш, гӏулакх да из.
«Тӏема аренашка лелача бӏухой дезалий хьашташ кхоачашдар, царна эшача хӏаман массахана терко лоаттаяр, тахан лоархӏамеча гӏулакхех да. Машинашта, иштта гӏаш леларашта кхераме боацаш; паргӏата хургба из никъ тоабаь баьлча», - йоах «Сердалога» Магӏалбика кхален администраце зарбан болх лелабераша.
Кхален хьакимаша белгалдечох, тӏема операце доакъашхой дехарех цхьацца кхоачамбоацараш меттадоаладара болх, тӏатеӏӏа, дӏахьоргба кхален моттигашка дӏахо а.
