ИнгГУ яхь дӀайихьар Хьоашаланаькъан Ӏаьлий 80 шу дизарца ювзаенна
ГӀалгӀай паччахьалкхен университете, цӀихезача гӀалгӀай поэта, гӀалгӀай литературе сийрда лар йитача Хьоашаланаькъан Ӏаьлий 80 шу дизарца ювзаенна яхь дӀайихьар. Из дика таро яр студенташта, хьехархошта цӀихезача мехкахочунцара шоай лерхӀам, цун кхолламцара безам гойтара.
«Кхоллама интеллигенце викалаш юкъе бола кхелахой, иштта цӀихезача поэта гаргара нах гулбеннабар цун кхоллама чулоацамга ладувгӀа. Яхь дӀахьош коталон моттигаш яьхар филологе факультета студентка йолча Овшанаькъан Розас, лорий факультета студенткас Саганаькъан Аминас, Джамалданаькъан Джамала», - аьлар «Сердало» газетага ИнгГУ филологе факультета деканате.
Из дагалоаттама кхетаче вӀашагӀъеллараш а шоаш студенташ бар, царех яр МутаӀаланаькъан Заида, гӀалгӀай метта, литературан «Хоза мотт» яхача клуба кулгалхо, иштта цун новкъостий.
