«Музея болхлоша кийчбаьча цу гойтаме го йиш я халача наькъ тӀа вай къаман культуран болхлой къахьегаш хьабаьхка хилар, хӀанз а цу даькъ тӀа царна карагӀдоалар фуд. Цу гойтаме го йиш хургья берригача мехка цӀихеза кинодаккхархо Ӏоахашканаькъан Шамал, Котанаькъан Берд, режиссёр Мамилганаькъан Сулумбик, начӀал дола актриса Янданаькъан Тамара; театра, кино актёр Новрбенаькъан Руслан, Цисканаькъан Мухьмад. Цар доккха дакъа юкъеденад, кинон искусство дегӀайоалаеча. Из доацаш а, цу гойтаме хургда сурташ а хьагойташ йола материалаш а. Цига хьажа таро я маьцхали бетта 31 денга кхаччалца», — йоах хоамо.