ГӀалгӀай къаман
юкъара газет

Кердадараш

ГIалгIай мехка унахцIено лораяра болх тоабеш ба

ГIалгIай мехка дIахо дIахьош ба, унахцIенон даькъ тIара хьал тоадара болх, цун хьалхарча мугIарашка хувцамаш хулаш доагIа мехка, яхаш, дийцар «Сердало» газетага ГIалгIай Республикан зарбан болх лелабераша.

«Кхо шу хьалха, Российски Федераце Президента юкъедоаладаь унахцIенон балха хьалаш тоадара наькъаш дIадоладаьдар, цох ма барра пайда баьннилга гуш а да», - аьлар ГIалгIайчен Кулгалхочо Келаматанаькъан Махьмуд-Iаьлас ший телеграм-канале.

Мехка Кулгалхочо белгалдир, цу юкъа республике лорий урхалленаш хьалъяь хилар, цига гIолла наьха шоай могашал тоае таро хилар. Хьалъяьй ТIой-Юртара дарбанче, Южни оалача юртара ФАП, Сурхо тIара амбулатори.

Цул совгIа, тайп-тайпарча гIишлош тоаяьй: Мужечара, Мочинаькъан Отарашкара ФАПаш, «МЦРБ» ГБУЗ берий поликлиникан гIишло, «Шахьара берий поликлиникан» ГБУЗ, «МагIалбика центральни кхален дарбанчен» ГБУЗ, боккхий барий поликлиникан гIишло; 11 автомобиль, 94 лорий гIирс ийцаб.

Махьмуд-Iаьлас яхачох, хьатIадоагIача шин шера а из болх, юха ца соцаш, дIахохьоргба республикан унахцIенон материально-технически кIийле чIоагIъеш. Геттара а лоархIаме да, Россе Президента лорий балха хьалаш тоадара дош ший хоржамий кампанена юкъедоаладаь хилар», - аьлар цо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде