«Наьсарерча тикашта юхе, къаьстта наха хӀама дуаш йолча моттигашта уллув, го йиш я къахетаме дегаш долча бахархоша хӀама тувсаш дола цискаш. Цхьайолча моттигашта чухьнахьа дахаш да говза пицокаш. Масала, базара коа йоаллача кафе дахаш да ӀажагӀча беса дола цхьа беркате циск. Саг хӀама даа волаваллалца сабар деш даьгӀе, шорттига цунна тӀод детта долалу из, шийна доагӀа дакъа дӀадехаш. Мишта Ӏелургва иштта долча цицена дакъа ца деш?!» - дийцар кафе ухача цхьан вахархочо. Вайна гонахьа лелача цискашта, уж вайна довзачул дикагӀа вай царна довзаш хул хийла.