ГӀалгӀайче бизнесменах бехк баьккхар, ше хьадаь басар дохкарах
23.04.2025 15:52
ГӀалгӀайчен УФАСо ший доалахьара хӀама хьадеча cага хьалхадаьккхар «Казачка» марка да, яхаш, шоаш хьадеш дола басараш дохкаш хилар, яхзаш, дувц «Сердало» газетага лаьрххӀача хоамо.
Из «наха къерда товар» леладеш вар вена хилар антимонопольни закона урхаллене, бокъонаш телхаеш хилара дехар дахьаш, цул тӀехьагӀа дӀабихьача тӀахьожама балхо хьагойтар, басара банка тӀа йоагӀаш йола белгало цахилар, этикетка а хила дезачул белгалдоалаш долга.
Иштта гучадаьлар, доалара къахьегам лелабечун товар дохка йиш йолаш доацилга.
Цунца дувзаденна, УФАСа басар дохкар юхасоцаде аьлар. Нагахьа санна предприниматела из соцадеш ца хуле, цунна гӀод тохаргда.
