«Тайп-тайпара кхетаченаш дӀакхухьаш, нах вӀашагӀбетталуш йола Дьякова цӀерах стадион, моллагӀа цӀай дӀадахьа йиш йолаш, лакхача боараме тоаяь латташ, хила еза. Укхаза вай дӀадихьар Россех дӀакхийтта 250 шу дизара цӀай, республикан 30 шу дизар, иштта кхыйола кхетаченаш», - аьлар  вай Мехкадас Келаматанаькъан Махьмуд-Ӏаьлас, цу моттигага хьожаш.

Мехка кулгалхочо белгалдир, цу гӀулакха бехктокхаме барашта хьалхашка ювцача моттига куц тоаде, паргӀатта, цхьаккха кхерам боацаш, цӀай дӀадахьа йиш хургйола болх бе безаш декхар латтилга.

Укх шера вай дездер паччахьалкхен 100 шу дизар хиларга хьежжа, из моттиг дикагӀа хургйолча тайпара тоаяра теркал де деза наха оалар, царна хетар. «Шедар лакхача борам тӀа хила деза!» - белгалдаьккхар цо.