Безам тӀабодаш яр, ондаргашта юкъе дӀайихьа яхьаш. Цига дакъа лоацаш бар 14-15 шу даьнна, 48 – 80 кийлага кхаччалца дозал дараш. Яхьаш дӀайихьар, Наьсарен-Шахьара боксах йолча ишколе. Яхьаш вӀашагӀъехкараша яхачох, уж кийчъяьяр наркотикашта духьала къовсам лоаттабара йолча комиссе балха чуйоагӀаш. ЛерхӀаш хинначул дуккха а дукхагӀа хьажархой бар цига. Иштта цига дакъа лоацаш хилар республикан 19 спортивни а дешара а моттигашкара кхувшбоагIараш. Котбаьннарех хилар 52 спортсмен, царна юкъе дӀайийкъар совгӀаташ доагIа моттигаш. ГӀалгӀай Республикан кагирхой гӀулакха йолча Комитета кубкаш, майдилгаш, грамоташ елар Янданаькъан Рамзана, Ӏахилганаькъан Самира, Албохчанаькъан Тимура, Налганаькъан Мухьмада, Овшанаькъан Iаддала, КӀориганаькъан Ахьмада, Доданаькъан Азамата, Малсаганаькъан Хьамзата, ЯндархановгIар СаIида, ТагировгIар Хыйсена, Дударанаькъан Сулейманна, ЦӀечой Сайфуллайна, Пхьиленаькъан Ӏадрахьмана, Гадаборшанаькъан Рахьмана, ЦӀолой Мухьмада. ШоллагӀа моттигаш яьхар: ЯндархановгIар Хьамида, Бекмарзанаькъан Ислама, Баркинхой Илеза, Хамхой Мухьмада, ТӀумхой Османа, Коазой СаӀид-Мухьмада, Баьзенаькъан Iаддал-Малика, Могашканаькъан Ислама, Гаьгенаькъан Ӏаьлас, Тирканаькъан ИсмаӀала, Ӏалбаканаькъан Ислама, КӀориганаькъан Муслима, Хамхой Адама, ЧӀасанаькъан Рахьмана, Чуранаькъан Расула. КхоалагIа моттигаш яьхараш бар Поалонкой Мухьмад, ХачеруевгIар Хьадис, ГӀулой Амин, Янданаькъан Мухьмад, Хамхой ИбрахӀим, Беканаькъан Мухьмад, Албохчанаькъан Илез, Ӏарчакханаькъан СаIид, Дзейтанаькъан Абу-Башир, ГетагIазанаькъан Хьасан, Боканаькъан Адам, Йовлой Муслим, ПхьугӀой Жандулла, ГӀайтакханаькъан ИбрахӀим, Цхьорой Адам, Хьулахой Iаддал, Овшанаькъан Муслим, Кокурхой Керам, Бузуртанаькъан Мухьмад, Оалмазанаькъан Ислам, Дахкилганаькъан Мухьмад-Ӏаьла, Хамхой Мансур. СовгӀаташ дӀалуш бола лоархIаме болх дӀахьош хилар терроризмаца къовсам лоаттабара йолча комиссен отдела кулгалхо Кхоартой Муслим, Наьсарен-Шахьара администрацен кулгалхо Йовлой Урусхан, ГӀалгӀай Республикан бокса федерацен президент ГIазгиренаькъан Ахьмад, боксах йолча РСШОР кулгалхо Зангенаькъан Абукар, ГӀалгӀай республикан боксах йолча вIашагIтехача тоабан тренер Дарсиганаькъан Або.