ГӀалгӀай мехка дӀайолаеннай «Триумф Energy» яха дзюдох йола лига
18.02.2024 01:20
Россе дзюдо федераце, «Лига Дзюдо» яхача къаьсттача коммерчески йоацача организаце хьаллоацаш, ГӀалгӀайче дӀайолаеннай берий дзюдох йола «Триумф Energy» яха лига, яхаш, хоам бу «Сердало» газетага ГӀалгӀайчен дзюдо федераце. «Наьсаре, лаьрххӀача дзюдо зале оаха 2024 шерара болх дӀаболабаьб, цига дакъа лоацаш хургья ворхӀ моттигерча ондаргий 70 тоаба: Сибрера, Уралера, Центральни оала, Приволжски, Малхбоален, Къилбаседа Кавказа, Гаьнарча Малхбоален. Уж ва 1000 пхийтта шу даланза вола ондарг. Яхьаш дӀахьоргья шин даькъа йийкъа», - аьлар тхоца къамаьл даьчо.
Цу къовсаме котъяьннача тоабан таро хургья суперфинале кхача, из дӀаяхьа лерхӀаш я карарча шера маьтсела бетта «Сириуса» федеральни доазон даькъ тӀа.
Котбалархой таро хургья, укх шера лоархӀаме лоархӀаш йолча цхьан спортивни яхьашка шоашта ховш дар, начӀал гойта, из дзюдох бола керттера къовсам бицлургбоацаш бе лаьрхӀад. Цу спорта даькъ тӀа дикагӀа бола къона викалаш гуллургба. Доакъашхоша къахьегаргда, цу юкъе дакъа лоацаш мел йолча тоабай керттера толамхо къоаставеш.
