Даьхенцара безам кхебу берий дегашка
ЗӀамига болча хана денз, шоай Даьхе еза, цун лоархӀам бе Ӏомаду вай бераш ишколашка, берий бешамашка. Иштта «Россе аьрзелгаш» яхача № 15 йолча ишколе дӀайихьача кхетаче дакъа лоацаш хилар бераш. Из хоам «Сердало» газетага бир, цу балха хьалхалаттараша.
«ЧӀоагӀа раьза дар бераш цу моттига. Боккхийчар новкъостал деш, гимн дӀааьлар цар. БӀаргаш доагаш, цу хӀамо дог гӀоздаьккха бар уж.
«Къонача аьрзей» никъ даькъала бувцаш, къамаьл дир цига кагирхой политикахи, туризмахи йолча Министерствон кулгал деча Малсаганаькъан Адама, Халкъа Гуллама депутата Хамхой Батыра, «Хьалхарчар болам» яхача оагӀонна хьалхалаттача Албохчанаькъан Маринас. Цу вӀашагӀкхетара лоархӀамах, кхувш латтача тӀехьен тӀалаттача декхарех, дийцар хьаьшаша», - йоах тхога бенача хоамо.
Кхетаче йистейоалаш, дика дешаш чакхбала, пайда беш дола гӀулакхаш доаржаде, аьнна дош кхоачашде, новкъостий лоархӀа, гӀо эшачунна новкъостал деш баха чӀоагӀо йир кхувш боагӀараша.
