ГӀалгӀай къаман
юкъара газет

СВО доакъашхой берашта, дицлургдоаца совгӀаташ делар

Керда шу хьатӀадоагӀаш, Наьсарерча берий театре цӀай-кхетаче хилар. СВО доакъашхой берашта лаьрхӀа из кийчъяьяр «ЦаӀ йола Росси» яхача парте; РФ Паччахьалкхен Дума депутата БӀарахой Бек-хана, ГӀалгӀай Республикан паччахьалкхено хьал а лоацаш, яхаш, дийцар «Сердало» газетага республикан министрий кабинето.

«Керда шу хьатӀадоагӀаш, аз, сай тоабанца цхьана, лаьрхӀар СВО доакъашхой - вай вежарий, вай доазув, Россе машар лорабеш, тӀема хьалхарча мугӀарашка латтарий бераш цу кхетаче хьадеха», - аьлар БӀарахой Бек-хана.

Цу дикача кхетачене дакъа лоацаш бар Даьхе лораеш латтарий 350 дезал. ТЮЗа артисташа шоашта могар дир, хьажархошта хоза хетаргйола оагӀув гойта гӀерташ, царна из цӀай дег чу дусаргдолаш.

Бераша дика дакъа лаьцар тайп-тайпарча ловзарашка, конкурсашка. Мерза хӀамаш а мах бола совгӀаташ а делар царна. Москвера дена совгӀаташ, накъадаргдола книжкаш, берий ловзоргаш чудохка кӀопилгаш а елар. Российски Федераце Президента аьлар, лаьрххӀа йолча операце доакъашхой берашка хьажа веза, ший дезалга хьожаш санна, къаьстта терко лоаттае еза царна.

Иштта дег чура царна даь цӀай дар, керда шу хьатӀадоагӀаш, республикан ТЮЗе царна даь хиннар. «Сай дег чура баркал оал аз, из цӀай царна вӀашагӀделларашта: дешара, культуран министерствошта, берий театранна; сцена тӀа иштта тамашийна, хоза цӀай цар кхолларах!» - аьлар БӀарахой Бек-хана.

Белгалдаккха дезаш да, тахан ГӀалгӀайчен Ӏаьдало, боахамаша, гӀулакхаш тӀарча наха, юкъарча организацеша, ца хаддаш, новкъостал лоаттаду, тӀема операци дӀахьош болча бӀухой дезалашта.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде