ГӀалгӀай къаман
юкъара газет

ГӀалгӀайче спорта болхлочун сийлен цӀи елар

Олимпийски ловзарий доакъашхочунна, геттара лакха дозал долча лоӀамеча латархочунна, ГӀалгӀай Республикан спортивни латара Федераце вице-президента МусаевгӀар Мухьмада, ГӀалгӀайчен физически культура дегӀайоалаеча даькъ тӀа дика толамаш дахарах, «ГӀалгӀай Республикан спорта, физически культуран цӀихеза болхло» яха цӀи елар, яхаш, дийцар «Сердало» газетага ГӀалгӀай Республикан спорта министерствон зарбан болх лелабераша.

«Из совгӀат дӀалуш хилар ГӀалгӀай Республикан спортах, физически культурах вола министр Дошхьакъалой Ӏаьла. ЦӀихезача ГӀалгӀайчен, Киргизе спортсмена, ГӀалгӀай Республикан кулгалхочун Келаматанаькъан Махьмуд-Ӏаьлан амарах из сийлен цӀи елар», - аьлар цу министерстве. Белгалду, МусаевгӀар Мухьмад Олимпийски ловзарашка дакъа лоацаш шозза хиннав 2012,2016 шерашка, цига цо ворхӀлагӀа, ийслагӀа моттигаш яьхар. Иштта цо даьккхар 2014,2018 шерашка Азиатски ловзарашка дото совгӀат.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде