ГӀалгӀай мехка ООО кулгалхочунна 6 шу ха техар, 209,5 млн сом лочкъадарах
05.03.2024 14:57
ГӀалгӀай мехка цхьан ООО кулгалхочунна ха техар, бюджетера ахча 209,5 млн сом лочкъадарах, яхаш, дийцар «Сердало» газетага мехка тӀахьожамхоша.
«Кхел хьакхайкайир ГӀалгӀай Республикан Магасерча кхален судо. Уголовни гӀулакх хьадийллар, прокурорски болх йистебаьнначул тӀехьагӀа. Гучадаьлар, 2017 шера денз 2018 шерга кхаччалца, къахьегама моттига кулгалхочо МагӀалбик-Шахьаре 704 моттига лаьрхӀа, паччахьалкхенца чӀоагӀо яь, ишкола хьалъяра подрядчик волаш, республикан гӀишлон, архитектуран, ЖКХ министерстве чуделар, мах а балхаш а дукхагӀа оттадаь каьхаташ. Цу тайпара 209,5 млн сом лочкъадир цо.
Ялх шера из лаьца воалларгва набахта. Иштта цунгара хьадоаккхаргда, цо паччахьалкхенна даь зе.
