Хьун боахамашкара хаьхой говрашца леларгба
Республикан цхьайола хьун моттигаш саг лела йиш йоацача хьалашка хилар кхета а деш, дукхагӀча даькъе уж атта хаьхо дӀакхоачаргвоаца моттигаш хилар теркал а деш, ГӀалгӀай Ӏалама министерствос лаьрхӀад, цу юкъе говрбаьреш баха. ЛаьрххӀа цу гӀулакха хетаяь яр боахама хьун даькъ тӀарча болхлошца, Ӏалама тароний, хьун хьалий, экологе министра Хьулахой Саварбика дӀайихьа кхетаче, яхаш, дийцар ГӀалгӀай Республикан Ӏалама министерствон зарбан болх лелабераша.
Хьун инспектораша хӀара дийнахьа рейдаш дӀахьу, цу даькъ тӀа кхоачамбоацар нийслургдоацаш, хьун закон телхадергдоацаш. Бакъда латташ долча хьало хьагойтар кхыдола сурт да. Цудухьа хьун боахаме уйла еш ба, кхы малагӀа оагӀув юкъебаьккхача бакъахьа ба хьожаш, шоай болх тоабара. Цудухьа говрашца ха дар юкъедаккха лаьрхӀар цар.
Цо таро хулийтаргья тӀахьожам дикагӀа лоаттабе, ГӀалгӀайчен хьун кхерамзле Ӏалашъе.
