«Кхычарна тара доаца фильм хургда гӀалгӀай а эрсий а шин меттала. Далганаькъан Марета проект «Росмолодежь. Гранташ-2023» яхача грантий яхье чакхъяьлар. Цун сюжето дувцаргда Магас-Шахьар йоаккхаш керте лаьттача турпалех. Из нийслу 2077 шера. МалагӀа ва харцонна, нийсхонна юкъе дӀахьош болча тӀем тӀа котваргвар? Из ховргда хьажархошта кастлуш», - аьлар хоамо.

Белгалду, проекта командо «ГӀалгӀай кинематографе кагирхой студерча» начӀал долча наха лаьрхӀа майдаш хьаелларгья, яхаш. «ХӀанз укх сахьате, из фильм доаккхаш бола болх дӀахьош ба. Оаха хержар атта боаца никъ ба, киберпанка жанр из хиларах, бакъда шийна тара кхы доацаш а хургда из. Тхо тешаш да, киберпанк оаха нийса хержа хиларах, тахан цхьацца хӀаман тӀехьа бола кагирхой цунна юкъебоагӀаргба, аьнна а хет, цу тайпара тха команда хьалъюзаргья массайолча оагӀорахьара хьаькъал долча нахах», - аьлар Далганаькъан Марета.

Белгалду, хьалхагӀа «Сердало» газета корреспондента яздаьдар, 2023 шера ардара бетта юххье, «Карамат»: ГӀалгӀай киберпанк - къаман Ӏадаташ гойта фильм - доаккхаш болх дӀаболабаь хиларах.