«Ши эзар кв метр дӀалоацача шозза вӀаштӀара яьча гӀишлошка хургья, берий тоабаш чуйола моттигаш, актови залаш, даар кийчду моттигаш, лорий кабинеташ. Арахьарча доазон тӀа ловзараш дӀадахьара, спортивни майда хургья. ХӀанз укх сахьате наӀараш дӀаоттаеш латт, пенашта басар хьакхара болх дӀахьош ба, трансформатор дӀаоттаеш, гонахьара доазув чудерзадеш, иштта къона гаьнаш дӀайогӀаш латт», - аьлар ГӀалгӀайчен Кулгалхочун, паччахьалкхен зарбан болх лелабераша. Керда берий беш хьалъяро таро хулийтаргья кхыйолча берий бешамашкара моттигаш мукъаяха. Карарча шера «ДегӀаахар» яхача къаман проектах, ГӀалгӀайче бархӀ деша даха ха йоацача берий фусамаш хьалъяьй, цига бераш дегӀадара мел эшаш дола хьалаш да.