Даьла духьа цӀий дӀачутеларашта, ахча лургда
20.11.2023 10:47
ЦӀий дӀачутелаш, Даьла духьа из беркате болам хьаллоацаш, хьабоагӀарашта ахча дала лаьрхӀад «Российски ЦӀе ЖӀарг» яхача моттигерча оагӀон болхлоша. «Сердало» газетага из хоам бир цу гӀулакха хьалхалаттараша.
«Наха гӀо деш лелача цу моттиго из болам дӀабахьара бахьан да, халача унахошта цӀийца кхоачам хилийтар. Эшаш дола цӀий дӀачудала, е тӀехьа тӀайоагӀача хана цӀий дӀачутеларца гӀо деш хургволаш, ший цӀий малагӀча тайпара да гучадаккха дагахьа 3 мл цӀий дӀачудала йиш я сага цу дийнахьа. Хала лазараш долча наха доккха новкъостал хул хӀара сага дӀачулуча цӀийх», - дийцар тхога цу моттиге болх беча Ноакастхой Адама.
