Республикера моттигаш тоаеш латт
29.09.2023 11:48
Наьха хьал аттачахьа даккха гӀерташ, ма хулла тоаеш латт республикера моттигаш. 86% моттигаш тоаеш балхаш да дӀахьош латтараш. «ЛоархӀаме да, наха салаӀа, Ӏохайша паргӀатта ха яккха моттигаш хилар. Шахьара моттигаш тоаяра тӀехьа кхеллача проектага гӀолла дикка хувцамаш хиннад вай мехка. ХӀара денна тоалуш, хозлуш латт шахьарера доазонаш», - белгалдир вай Мехкадас Келаматанаькъан Махьмуд-Ӏаьлас.
«Нийса ах болх йисте- баьннаб тахан. Хоза тоаяь, наха салаӀа паргӀата йолаш латт вай шахьарашкара моттигаш. Магасе, Наьсаре, МагӀалбике, Шолжа-Шахьаре, Илдарха-ГӀалий тӀа беш латт из боккха болх тахан», - йоах тхогарча хоамо. Мехка кулгалхоша тӀахьожам беш, хоза сквераш, паркаш, кхыйола салаӀа моттигаш тоаеш латт вайцига. 2024-ча шера а дӀахохьоргба из беркате болх, Дала аьннадале.
