Гӏалгӏай мехка йиллача ханал хьалха 34, 6 км никъ тоабир
Йиллача ханал хьалха тоабаь баьлар 35 километр бӏаьха никъ Гӏалгӏайчен пхе наькъа моттигашка. Уж доккхий балхаш деш дар «Вахара хьалаш» яхача къаман проектах. Наькъий болхлоша кердабаьккхар «Сурхо тӏара - Алхастера» иштта Илдарха-Гӏалий тӏара - Яндарера наькъаш, цул совгӏа Магӏалбикера Нурадилова урам тоабир, кердабаьккхар «Шолже-Гарагорск - Магӏалбик» – Белоглинки даькъ тӏара никъ 2-ча километрагара 8-ча километрага кхаччалца тоабир, Сенная оалача моттига юхера капитальни ремонт яь яьлар.
Гӏалгӏайчен Кулгалхочо Келматанаькъан Махьмуд-Ӏаьлас баркал аьлар наькъаш тоадерашта, цар лакха говзал йолаш, моллагӏа ара хаоттам мара цахиларах юха ца соцабеш шоай болх дӏахьош хиларах. Цо белгалдир, йиллача ханал хьалха керттера моттигаш дӏачулуш хилар.
Укх массехк шера, наькъаш дика хиларга диллача, республика дикагӏча пхе моттига чуйоагӏаш я, дӏадахача шера из яр кхоалагӏча моттиге. Из хьал мел ца долийташ, дӏахо къахьегаш ба шахьарашка, юрташка.
Карарча хана кердадоахаш да 53, 6 км. Царна чудоагӏаш да - «Магӏалбика - Махьмад-Хитӏе» никъ тоабар, иштта «ӏаьлий-Юрта - Эккажкъонгий-Юрта» машина наькъ тӏара бӏеха хиш дӏаахара йола моттиг тоайир. Уж моттиг я 18,9 км.
