Ханал хьалха баьлар, «Наьсаре-Терек-Долакха-Юрт» яха никъ цӀенхаштта тоабу болх
ГӏалгӀайче ханал хьалха йистебаьккхар «Наьсаре-Терек-Долакха-Юрт» никъ цӀенхаштта тоабара болх. 9,5 км бӀаьха никъ хиларах, МагӀалбика кхаленца, Наьсаренца ТӀой-Юрт, Долакха-Юрт ювзалуш хул.
Дукха ха яр из никъ тоабе безаш бола, яхаш, дийцар ГӀалгӀай Республикан Кулгалхочун, Паччахьалкхен зарбан болх лелабераша. ХьалхагӀа, мехка кулгалхо Келаматанаькъан Махьмуд-Ӏаьла ваха хилар Наьсарен кхале, цига дийцар наькъа хьалаш. Цо белгалдир, дикал йола никъ - из ГӀалгӀайчен бахархой дика вахара хьалаш хилара тешал хилар.
«Наьсарен кхале, эггара дукхагӀа нах бахаш йола моттиг хиларга хьежжа, из хаттар геттара ира латт. Карарча шера оаха лаьрхӀад 60 км никъ тоабе», - аьлар республикан кулгалхочо.
Белгалду, «ГӀалгӀай Республикан автомобильни наькъаш тоадар дегӀадоаладара» йолча паччахьалкхен программа чудоагӀаш, лаьрхӀад 28 км гаргга долча мехкарча наькъаш тӀа из болх дӀабахьа.
