Соагӏапча бодаш бола никъ ханал хьалха тоабир мехка
Йиллача ханал хьалха тоабаь баьлар Соагӏапча бодаш бола никъ. 6 км кхоачаш бола никъ вахарера моттигаш меттайоалаярах йолча къаман проектага гӏолла тоабир. Из хоам «Сердалога» бир мехкадаь зарбан болх лелабераша.
2005-ча шера денз, кулг тоханза бар ерригача юртах чакхбоалаш бола никъ. Амбулаторена, ишкола, берий бешамашта, ФОКа, культуран цӏенна тӏабодаш бола никъ хӏанз бахархой хьал аттачахьа доаккхаш, паргӏатагӏа ба.
2025-ча шера ӏан хьалхарча бетта йистебала безаш хинна никъ, боаггӏача боараме къахьегарах, йиллача ханал хьалха кийча хилар. «Укх шера тоабаь ийслагӏа никъ ба из.
Вахарера моттигаш меттайоалаярах йолча къаман проектага гӏолла кхы а кхо никъ ба тоабеш латтараш», - белгалдир вай Мехкадас ший вахара оагӏонашка, цу гӏулакхах дувцаш.
