ГӀалгӀайченна дукхагӀа дакъа юкъеденача бахархошта, 3000 юбилейни майдилг лургья
ГӀалгӀай паччахьалкхе хьакхоллаш дукхагӀа къахьийгача бахархошта, 3000 юбилейни майдилг лургья, яхаш, дийцар «Сердало» газетага ГӀалгӀай Республикан зарбан болх лелабераша.
«Сона хоза хийтар майдилга тӀара сурт. Цхьан оагӀорахьа - гӀалгӀай герб, вокх оагӀорахьа ГӀалгӀайчен гӀалай, лоамий кепара сурт. Вай дездергда гӀалгӀай паччахьалкхен бӀаь шу дузаш хилара цӀай», - аьлар мехка кулгалхочо Келаматанаькъан Махьмуд-Ӏаьлас.
Цо белгалдир, дукха шераш чулоацаш, иштта дукха наьха вахар чудоагӀаш долча исторе дакъа из хилар. «ГӀалгӀай паччахьалкхен 100 шу дузаш хилара хетаяь 3000 майдилг кийчъергья», - аьлар ГӀалгӀай Республикан миннаце, цунна тӀадиллад дагалоаттама совгӀаташ кийчдара гӀулакх.
«ГӀалгӀай Республикан - 100 шу» дизара хетаяь юбилейни майдилг кийчъераш ба «Мах бу цӀа Златоуст» яхача ООО пхьараш, цар цу даькъ тӀа дика балха говзал я.
