ГӀалгӀай къаман
юкъара газет

Кердадараш

Крымский Лукай майдилг елар вай мехкахочоа

01.09.2023 09:12

Республикан вахаре бехктокхаме къахьегаш хьабоагӀача, тайп-тайпарча моттигашка къахьегаш болча 33 болхлочоа паччахьалкхен совгӀаташ делар вай Мехкадас Келаматанаькъан Махьмуд-Ӏаьлас.

«ГӀалгӀай Республикан цӀихеза гӀишлонхо» яха еза цӀи елар цу лостамагӀа йолча министерствонна кулгал деча Балахой Микаила. УнахцӀенон министерствон кулгал деш йолча Антошканаькъан Зарема Наьсарерча дарбанчен керттера лор йолаш, коронавирус яхача лазара духьала чӀоагӀа болх баьрех я ший новкъосташца. Крымский Лукай цӀерагӀа йола майдилг елар цунна. «РФ цӀихеза лор» яха цӀи елар Шолжа-Шахьарерча керттерча дарбанчен кулгал деча Вешкаранаькъан Руслана. «ХӀара болхло белгалвеш еннача орденаша хьагойт, уж нах шоай къамах дог лазаш, бехктокхаме шоай декхараш кхоачашдеш хьабаьхкалга», — аьлар вай Мехкадас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде