Магасера футболисташ котбаьлар
02.11.2023 09:37
Магасерча культурахи, спортахи, туризмахи йолча моттигера кагирхой футболаз ловза тоаба къовсаелар МагӀалбикерча спортсменашца. Магасерча кагирхошта тӀехьа хилар котало. Из хоам «Сердало» газетага бир магасхоша.
«Шаккха оагӀорахьара ловзаш хиннараш лакха говзал йолаш бар. Бакъда котало тренера Шибиланаькъан ИбрахӀима кхебаьча футболисташка кхаьчар. Шоай мел бола низ ураоттабаь чӀоагӀа лайзар кӀаьнкаш укх наькъа», - дийцар тха газетага. Иштта дӀакхухьача ловзараша къонача футболистий дегаш ураоттаду, спортацара бувзам кхы а дукхагӀа чӀоагӀбу.
