Ший балха декхарел тӏехваьнна юртда балхара дӏаваьккхар
10.09.2025 11:03
Аьккхий-Юртарча администраце кулгалхо балхах вехар, Магӏалбикерча прокуратуран болхлой юкъебенна. Прокуратурас дӏабихьача тохкама балхо гучадаьха кхоачамбоацараш да цу гӏулакха бехке. Из хоам «Сердалога» бир прокуратурера.
Тохкама балхо гучадаьккхар, юртда, депутат вола хьаким; шийна бехк баь боллашехь; дӏахо ший болх дӏахьош хиннилга. Лаьттан доазонца дувзаденна бух боаца каьхаташ дӏадалар да тахан цунна тӏатетта бахьан. 2019-ча шергара 2022-ча шерга кхаччалца, юртарча пхе сага цхьаккха бокъо йоаца каьхаташ хьаяздаьд цо, 2,4 миллион мах болча лаьттанна.
Магӏалбикерча прокуратурас из гӏулакх суде чуденна, балхара дӏаваьккхав хьаким. Администраце кулгалхочун, депутата болх бита безача эттар Аьккхий-Юртара кулгалхо.
