«Гойтаме хьажа оттадаьд Гамзатов Расула вахар довзийташ дола литература. Цун кхоллама гойтаме дукхагӀа йола моттигаш дӀалоац книжкаша. Цар, шеко йоацаш, моллагӀчун терко тӀаозаргья, таханарча дешархочунна хӀаьта а. Тамаш елга да цо даьча йоазонех, ший тайпарча дешашца дувц цо Даьхенах, безамах, деналах, тешамах лаьца. Из вайца воаца цхьа ткъаьх шу да. Бакъда, йисай цун байташ. Цар хозача дешаех дега салоӀам хул; кхалсагацарча безамах, Даьхенцарча безамах, ший хьамсарча къаманцарча безамах дувцаш хиларах. Из бокъонца вола къаман поэт хиннав, цунна ший тайпара гуш хиннад ер дуне, машар, ший тайпара еш хиннай цо вахара уйлаш. Из дерригача дуненна поэт вар», — аьлар «Сердало» газетага МагӀалбика кхален керттерча библиотекан кулгалхочо, Россе цӀихезача культуран болхлочо Иленаькъан Марема.