СВО доакъашхочун сийна, дикагӀа долча сийленга куц яха яхь я, ГIалгIайче дӀахьош
«Шоай начӀал гойта йиш йолаш ба мехка беррига бахархой. Сийленга сурт моллагӀча кепара дилла йиш йолаш да, из хургда скульптуран кепара, иштта архитектурни а. Доакъашхо хила йиш йолаш ва цхьа автор санна, иштта массехк саг а.
Белгалду, балхаш хьаийду 2024 шера саькура бетта 25-ча денга кхаччалца, цига дакъа лоацаш хилара эшар фуд ха йиш я ГӀалгӀайчен культуран министерствон лаьрххӀа йолча сайта тӀа», - аьлар «Сердало» газетага культуран министерствон зарбан болх лелабераша.
Вай мехкахой тахан латт, денал гойташ, СВО доазон тӀа дизза шоай декхар кхоачашдеш, Даьхе лораеш царна карагӀдаьннар дагалоттадар, ГӀалгӀайчен хӀара вахархочун декхар хинна ца Ӏеш, доаккхал дара дола бахьан а да.
Вай юкъарча Даьхен истореца бувзам лелабара, цун кхерамзле лораяра, из хозагӀа хилийтара, дегӀайоалаяра, ГӀалгӀайчен къонгаша деш дар хьагойт цо.
