ВӀаший ийнача латара федерацен керда вице-президент хержар
Укх деношка ховш хилар, ГӀалгӀай Республикан вӀаший ийнача латара федерацен кердача вице-президента цӀи. Из ва «Гранул» яхача гӀишлон компане керттера директор Йовлой Мухьмад, яхаш, хоам бу «Сердало» газетага спорта, физически культуран даькъерча министерствон зарбан болх лелабераша.
«Йовлой Мухьмад, цу лоархӀамеча балха тӀа хьожаваьлга хьакхайкадир вӀаший ийнача латара федерацен президента Шоанахой Вахас. Ховш да, из хьалхагӀа «ГӀишлошъяр» яхача даькъ тӀара болх дегӀабоалабеча 20-ча моттиге латташ хиннилга, ГӀалгӀай Республике гӀолла.
Дукха ха я цо начӀал дола латархой хьаллоаца, из иштта терко лоаттаеш ва мехка спорт дегӀайоалаяра»,- белгалду хоама тӀа.
ГӀалгӀай Республикан спорта министерствос даькъалавувц керда вице-президент, хӀаьта федерацена лов, ше лаьрхӀар кхоачашде цун низ кхачар.
