«Ӏилман семинара доакъашхоша тохкаргда, ГӀалгӀайчен бахархоша Кавказе лаьттача тӀем тӀа моастагӀа эшавеш юкъедихьа дакъа; иштта, МагӀалбик моастагӀчун кара ца йохийташ, моастагӀчунна духьалъэттача Сийлахь-боккхача Даьймехка тӀема доакъашхошта карагӀдаьнначох а дувцаргда», - аьлар «Сердало» газетага Ӏилма-тохкама института кулгалхочо, филологически Ӏилмай доктора БӀарахой Нинас. Белгалдоаккх, саг ца тешшал чӀоагӀа майрал гойташ, МагӀалбик лораеш латаш хиннача бӀухоша Кавказа мехкадаьттанна тӀагӀерташ хиннача моастагӀчунна дагалаьттар дохадаь хилар. Мехкадаьттан МагӀалбик меттагIъ- яккханзар ший мел болча низаца чугӀертача моастагӀчо, цунна чӀоагӀа эшар мехкдаьтта, вай мехка доазонаш карадерзадар, бакъда цхьа тӀадам Кавказа мехкадаьтта цунга кхачанзар. Вай Даьхе лораеш, вай кортамукъале йоаккхаш, Тирка дукъ тӀа латаш хиннача цӀеча эскара 120 эзар бӀухо ца гӀатта аллийсар, цига шоай вахар Ӏодуллаш.