«Со хиннавар укхаза массехк шу хьалха. Цу хана е хий а е вахара хьалаш а дацар укхаза, бадаш болча унахошка хьажара лелаеш тишбенна къаьнара гӀирс бар, хӀаьта гӀишло ше хӀаманна пайдана йоацача яьннаяр. Из оаха дийцар Гуцаранаькъан Микаилаца, из кастлуш ше вахар цига хьажа. Цигара вахара хьалаш бӀаргадайначул тӀехьагӀа, цо, кхы тӀехьа ца тотташ, из моттиг тоае лаьрхӀар»,- аьлар мехка кулгалхочо. ХӀанз укх сахьате, цига леладеш да геттара хала лазараш дола цхьа ткъаьх бер. Из ЦӀа-интернат тоадара «Сафмар» яхача ганзо дикка ахча дӀадахийтад. Из гӀишло а цунна чуйоагӀаш йола урхалленаш а йовзаргйоацача яьхай, селлара хоза тоаяь. Гонахьара доазув чудерзадаьд, хица дувзаденна хинна кхоачамбоацараш а юстардаьхад, цу гӀулакха укхаза кхыметтел Ростовера ера ши метр лакха йола хий лоаттадеш йола гӀув. Цига эшаш йола мебель, гӀирсаш ийцад. Вордингашца мара лелалуш боацарашта лаьрхӀа никъ биллаб, укхаза могаш доаца бераш хилар теркал а деш, цӀено яра моттигаш керда оттаяьй, начӀас дӀуха моттигаш хийцай. Цу тӀа а соцаргдац дӀадоладаь из дика гӀулакх, яхаш, дийцар Гуцаранаькъан Микаила. Могаш доацача берашта деш дола новкъостал боарам боацаш хила деза, Далла деш дола гӀулакх санна. «Нагахьа санна тӀехьара тӀа дехараш хуле, тхо хьожаргда уж а кхоачашде. Тхона доккха хӀама дац, хӀаьта берашта а цига болх берашта а из ца хилча даргдоацар да, укхаза лоархӀаме дар ахча дац. Эшаш дар ӀотӀаяздийя, каьхат хьачуда, оаха из кхоачашдергда. Керттердар да укхаза дӀахьош дола балхаш дикал йолаш а бокъонах хила деззача беса а хилар. ХӀанз укх сахьате, ЦӀагӀа-интернате хий хьадоагӀа, начӀас дӀауха моттиг я, бакъда кхы а дукха да де деза балхаш. Керттерча балхех цаӀ ба даар кийчду моттиг дикал йолаш хилийтар, еррига объект лерттӀа тоаяь хилар», - аьлар цу дикача гӀулакха рузкъа кходеш воацача сага.