ЛоархӀаме наькъаш тоадара болх чакхбоалаш латт
Йистебала боалл «Боккха никъ «Кавказ-Илдарха-ГӀала- Юкъера Ачалкхе-ГӀайрбик-Юрт», из бӀаьха ба 13 км совгӀа, яхаш, хоам бу ГӀалгӀайчен автодора министерствос.
2022 шера дӀадоладаь хинна наькъаш тоадара балхаш, лаьрхӀа хиннача беса хилча, хьатӀадоагӀача шера йистедаха дезаш дар. Бакъда наькъашка болх бераша массаза санна йиллача ханал хьалха дӀачубала лаьрхӀад из, ер шу йистедалалехь никъ кийча хургба.
«Карарча хана, цигарча болхлой тоаба къахьегаш я 80 наькъа юкъ йийкъа кӀалхара кӀийле кийчъеш, йистош тоаеш, хьалхара наькъа оаса бохийташ, гӀоргӀа асфальт Ӏобуллаш. Цунца цхьана дӀахьош ба наькъа йистегӀолла аьшка карт хьаяра болх а», - аьлар наькъаш тоадерий боахаме.
Ала деза, «Боккха никъ «Кавказ»-Илдарха-ГӀала-Юкъера Ачалкхе-ГӀайрбика-Юрт» оала никъ тоабара болх чубоагӀаш ба «Дикал йола кхерамзлен наькъаш» яхача къаман проекта.
