ГӀалгӀай къаман
юкъара газет

Кердадараш

Овлангара хийцай ГӀалгӀайчен суртанчий музея залаш

ГӀалгӀайче, дикка тоаеш, эргаяьхай сртанчий искусствай музея залаш, тхов тиллаб, сердал кердача хьисапе яьй, кхыдола балхаш даьд, яхаш, дийцар «Сердало» газетага мехка министрий кабинете.

«Культура» яха къаман проект кхоачашъеш хиларца, дувзаденна дар из. Федеральни оагӀорахьара цу гӀулакха лаьрхӀа, 22 миллион сом делар. Кердаяьхар залаш, гойташ дола хӀамаш хӀанз дикагӀча хьале да», - йоах хоамо.

Музей чуйолча гӀишлон 70 шу даьннад, из тоаяра тӀехьара балхаш укхаза даьдар 14 шу хьалха. Ха дӀа мел йода, тховнах ладар чуаха даьлар, тока аьшкасаьргаш тишделар. Дикка гӀишло тоаярга укхаза хьежа дукха ха яр. Цхьаццадар «хьанийсде дезаш хилар» оахош, - яхаш, дувц музея болхлоша.

ХӀанз музее 3 эзар совгӀа тайп-тайпара хӀамаш я, уж я этнографеца, графикаца, нумизматикаца, живописаца, скульптураца, кулгаговзалца деча балхашца ювзаенна хӀамаш. Белгалду, ГӀалгӀайчен культуран вахара «чарх» кхесташ я, юхасаца дага а яц.

ДӀахо дӀайодача хано йовзийтаргья кердача гойтамий оагӀонаш, искусство езараш керда начӀал дола нах бовза а, экспонаташ го а кийча ба; хӀаьта музея болхлой а шоай тамашийна хозала кеп гойташ бола болх наха юкъе боаржабе лаьрхӀа ба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде