«Гойтаме бахархошта бовзаргба, дегӀа могашал эшаенна бале а, дуккха дикаш кхоллаш, цхьацца хӀаман тӀехьа белгалбоалаш хьабоагӀача наьха вахара никъ. Гойтамо хьахьокхаргда, иштта бола нах денал, хьинар, баха йиш йолаш болга. ДегӀа могашал эшаенна бале а, вахаре тайп-тайпарча оагӀонашка белгалбоалаш, баьхача наьха исторех довзаргда музее. Иштта долча наьха вахаро моллагӀча сага дог ураоттаду, къахьега Ӏомабу», - дийцар «Сердало» газетага культуран гӀулакхах йолча министерстве.

«Белгаларча наьха вахар» яхача гойтамо вайна хьадовзийт, мел доккха дикаш кхоллаш, беркат доаржадеш, дуккхача моттигашка накъавоалаш ваха йиш я могашал эшаенна саг.