Гӏалгӏай мехка новкъостал дир, СВО веннача бӏухочун нанна дарба де
Лаьрххӏа дола новкъостал лоаттадар чудоагӏаш йолча «Даьхен лорабой» ганза Гӏалгӏайчен филиала вахара оагӏонцара болх лелабеча Буружанаькъан Хаде сиха новкъостал дир, дарба де ӏо а южаеш, Мустабенаькъан Хьасана Любайна. Из я денал гойташ ший тӏема декхар кхоачашдеш, лаьрххӏача тӏема операце даькъ тӏа веннача бӏухочун Мустабенаькъан Зоврбика нана.
«Вахаре новкъостал дара йола болхло сиха бувзаме яьлар ГБУЗ «Наьсарен кхален керттерча дарбанчен» администрацеца, цо гӏо дир хьалхара лорий каьхаташ вӏашагӏтоха, иштта ше цунца дӏа а яха из ӏоюжайир терапевтически отделене. Карарча хана бӏухочун нана, дика лорий терко йолаш, дарба дӏахьош я. Вахара дешаех йолча болхлочо тӏахьожам лоаттабу СВО бӏухочун нанна дика дарба дара», - аьлар «Сердало» газетага «Даьхен лорабой» ганзе.
Бейнача турпалхой даьй-ноаной хьаллацар, цар могашалга хьажар ганза керттера декхар да.
