Ше кхостабаь тийшаболх бахьан долаш, суда духьалъотта езаш хилар дукхача берий нана йола мехкахо
12.07.2026 18:31
40 шу даьннача мехкахочун гӏулакх къоастадеш хилар Илдарха-Гӏалий тӏарча суде. РФ УК 2-ча даькъа 159 ст. бехктокхаме озаш я из.
«Суде белгалдечох, 2024-ча шера, тийшаболх бе дага йолаш, яьсса латташ хиннача тикан доал деш хинна кхалсаг, каьхаташ доахаш гӏо дергда хьона, аьнна, ӏехаяьй цо. Ма дарра аьлча, из гӏулакх цунна де лаьрхӏа а е из де аьттув болаш а хиннаяц из. 200 эзар сом дӏаийца, яйна дӏаяьннай зуламхо, хӏаьта шийна тийшаболх хиннилга кхетадаь кхалсаг полицегара гӏо деха ера», - йоах «Сердалога» Прокуратурера кхаьчача хоама тӏа.
Ше дӏаийца ахча юхадала оттаяь, леладеш зӏамига диъ бер хиларах 1,5 шу суд йир цунна ӏаьдало, тӏахьожам беш, цӏагӏа такха езаш.
