Бокъо йоацача моттигашка хьалъеш йола гӀишлош юха дӀайоахаргья
31.01.2024 11:08
Илдарха-ГӀалий тӀарча прокурора суде чубеннача лоткъамах, бокъо йоацача моттигашка хьалъеш йола гӀишлош юха дӀайоахаргйолаш я. Из хоам «Сердало» газетага бир тӀахьожама болхлоша.
«Шахьарерча прокуратурас теркалдир, ДжабагӀанаькъан оалача урам тӀа, бокъо йоацаш, гӀишло хьалъеш латташ хилар. ХӀаьта администраце, бокъо йоацаш дӀахьоча цу балха еш духьале яц», - белгалдир мехка прокуратуре. Из деррига Ӏаьдала оттаяь бокъонаш цалархӀар да.
Цунга хьежжа, Илдарха-ГӀалий тӀарча суде каьхат дахьийтад, цу гӀулакха духьала бе боагӀаш бола болх дӀахьо, аьнна. Судо из каьхат дӀатӀаийцад, бакъдеш, хӀанз прокуратуро тӀахьожам бергба цу гӀулакха.
