ГӏалгӀай мехка страховой пенсеш 9,5% тӀакхийттад 85 эзар сага
Страховой оала пенсеш 85 эзар сага лакхденнад 9,5%. Цох дийцар, ше къамаьл деш, ГӏалгӀайчен Кулгалхочо Келаматанаькъан Махьмуд-Ӏаьлас, Россе Вахара ганза даькъа кулгалхочунца Йовлой Зубейраца кхетаче дӀахьош.
Мехка Вахара Ганзо юкъедаьккхар кердадар, наьха дехараш язде а ца дезаш, тӀакхеташ дола ахча хьаэца. Цул совгӀа, ер шу дӀадоладелча денз, 9,5% лакхделар страховой пенсеш, иштта кхыдола вахара гӀо ду ахчаш тӀакхетара гӀулакх. Пенсеш лакхдала тарлуш да 2025 шера шоллагӀча квартале, цу хана социальни пенсеш лакхлургда 14,75%. Из кхоачаш хургда 30 эзар сагага.
Къаьстта терко тӀайохийт цхьацца вахара аьттонаш деннача нахага из кхачийтара, республике цу тайпара нах ба 4 эзар совгӀа саг.
«Паччахьалкхено дукха рузкъа дӀадохийт вахара таро тоаеш дола наьха хьашташ кхоачашдеш, экономически а политически хьал чӀоагӀдеш, вайцига меттел, дерригача дунен тӀа а латташ дола», - аьлар мехка Кулгалхочо лакхе хьоахаяьча кхетаченах дувцаш.
