ГӀалгӀайчен доазон тӀарча федеральни наькъ тӀа, малар менна машенаца боагӀараш бий хьежар
ГӀалгӀай Республике гӀолла йолча МВД ГИБДД урхаллен болхлоша, ГӀалгӀай Республике гӀолла йолча МВД ГИБДД ДПС къаьстта йолча батальона болхлошца, «Кавказ» яхача федеральни наькъ тӀа, «Менна волча водитела моттиг яц машенаца ва» яхача болама чубоагӀаш, болх дӀабихьар, яхаш, хоам бу «Сердало» газетага республикан паччахьалкхен инспекце.
«Цу тайпара болх даим дӀахьош ба, корта бохабу малар менна водителаш машенашца леларгбоацаш, из унзара никъ болга царна хьалхадоаккхаш. Малар менна машенаца воагӀаш вар - из зуламхо ва. Из ДТП юкъе ца водаш вусаргвац», - аьлар наькъа полице болхлоша.
Из болх дӀахьош, цар водителашта машен лаллара боарам тӀаболаш каьхаташ делар, иштта хьалхадаьккхар шоаш а гонахьара нах а лорабеш хила безилга, сакхетам совбоаккхаш, нахацара лерхӀам болаш уж хила безилга.
Паччахьалкхен инспекце тӀахьийхар водителаш, гӀашлой наькъах лоралуш хилара, нагахьа санна шоашта корта бохабу малар менна саг нийслой, цунах сихонца шоашка хоам беш хилара. Дагадоацача хана, из саг духьалйоагӀача машена тӀавахар кхерам болаш ва, тӀаккха гӀашлошта а кхерам хул цох, наькъа дехьабала ца кхоабарца дувзаденна.
Малар менна водитель - из боккъонца вола зуламхо ва.
