ГӀалгӀай мехка, Россе президента хоржамаш долаш, 81,50% бахархоша кхадж тессаб
17.03.2024 15:48
Российски Федераце Керттерча хоржамий комиссе яхачох, тӀехьарча кхадж тоссача дийнахьа 15 сахьат 12 минот яьннача хана, Россе президент хоржаш, мехка миӀингашка 68,25% кхадж тесса баьннабар. ГӀалгӀай Республике из таьрахь дар 81,59%.
ГӀалгӀайчен избиркоме «Сердало» газетага аьлар, моттигерча доазон тӀа Россе президент хоржаш дӀахьош бола хоржамий болх ший хила безача беса ба, дӀахо кхадж тоссаш а ба, аьнна.
Республикан избиркоме цхьаккха цатоам хинна моттиг я, аьнна, хоам бенабац, кхадж тассара балха тӀа бокъонаш толхаяь моттиг а нийсъеннаяц.
