«Къахьегам - дега лехам» яха проект яржаш латт вай мехка
02.11.2023 11:42
«Къахьегам - дега лехам» яха проект хьаллаца ловраш хӀара денна дукхагӀа ба вай республике. Бувзамахи, къаман политикахи, кепайоазонахи, хоамехи йолча министерствос дӀайихьача яхьашка котало яьккха проект я из. Из хоам «Сердало» газетага бир кагирхой гӀулакхах йолча мехкарча комитето.
Проект оттаяьраша яхачох, малагӀча оагӀонца шоай вахар хеттача бакъахьа да ца ховча кагирхошта, балха моттигаш лаха гӀо ду цар тахан. Яьссача балха моттигех дола кердадараш дӀадовзийт, мах боацаш, балха говзал Ӏомае аха аьттув ба цар. Цу проектаца ювзаенна кхетаче дӀайихьар, «ГӀалгӀай унахцӀенон-вахара колледжа» студенташца. «Доккха гӀо ду тха гӀулакхá грантех йолча паччахьа ганзо. Кхетачеш дӀакхухьаргья дешархошца, студенташца», - белгалдир Яражанаькъан Адама.
