Зулам даьр тоавара институт я болх дӀаболабергболаш вай мехка
14.03.2025 11:42
Суд ца токхаш виса зуламхо тоавара (пробаце) институт я, мехка болх дӀаболабеш. Вице-премьер йолча Саганаькъан Индирас кулгал деш, дӀайихьача кхетаче дийцар цох лаьца.
Мехкадаь, Паччахьалкхен зарбан болх лелабераша хоам бир, республикерча Паччахьалкхен, Россе ФСИНа юкъера бартчӀоагӀам беча каьхата кулг яздаьлга, иштта из болх дӀабахьа эшаш дола наькъий карта хьакхоллаш хилар. Лаьца боахкача, мукъабаьннача наьха оагӀув хьаллоацаш болх ба кердача института дӀахьоргбар.
Балха отта, деша, вахарера бувзам меттабоалабе, дарбанчешка чакхбала гӀо дергда царна. Из гӀулакх чакхдаккха республикерча ОФСИНо ялх керда моттиг хьакхеллай, 26 болхлошоай балхацара говзал лакхъеш чакхваьннав.
