ГӀалгӀай къаман
юкъара газет

Кердадараш

Армрестлингах котбаьннарашта совгӀаташ делар

Магас-Шахьаре дешархошта юкъе дӀайихьа армрестлингах йола яхьаш чакхъяьлар, котбаьннараш белгалбир, яхаш, дувц «Сердало» газетага из болх вӀашагӀбеллараша. «Магаса культуран, спорта, туризма Центро ГӀалгӀай республикан армрестлинга федераце новкъосталца вӀашагӀъелла хиннача кхетачене; дакъа лоацаш хилар тайп-тайпарча ишколашкара 98 дешархо. Доакъашхой вахаре армрестлинга яхьашка эггара хьалха яьккха котало хилар цох. Команда юкъара кхоалагӀа моттиг яьккхар юкъерча дешара Магасерча №1 йолча ишколо-берий бешо. «Магаса лицей-берий беш» шоллагӀча моттиге хилар. ХӀаьта хьалхара моттиг кхаьчар «Дешара центрага», - йоах хоамо.

Берашта чӀоагӀа езаелар цу тайпара дӀайихьа яхьаш. Къонача къовсамхошта спортацара чам чубера, гуш дар уж боккхача безамца цу юкъе дакъа лоацаш болга. Кастлуш цу тайпара яхьаш цӀаькха дӀаяхьа кийчлуш да тхо», - аьлар ГӀалгӀай Республикан культуран, спорта, туризма Центра кулгалхочо Янданаькъан Апте. Из яхь дӀайихьар, кхувш йоагӀа тӀехье дукхагӀа спортаца дакъа лоацаш хилийтара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде