«Къона тохкама болхло» яхача яхьашка котваьннар белгалвир мехка
ХIара шера дIакхухьаш йолча «Къона тохкама болхло» яхача яхьашка котваьннар белгалвир Россе СК. Котало яьккхар кадетски корпусе дешаш волча Гаьгенаькъан Мухьмада. Из хоам «Сердалога» бир Iаьдала болхлоша.
Сийлахь-боккхача Даьймехка тIема юкъе фашисташа гойтача харцача, бIехача гIулакхех тохкама болх язбаьбар Мухьмада. Къонача тохкамхочоа совгIат дIаденнар вар СК болхло Горчхананаькъан Iумар. «Артек» яхача халкъашта юкъерча берий лагере салаIа ваха йиш я Мухьмада.
«Кадет кийчвеш къахьийгача хьехархочоа Налганаькъан Заьлмаханна а доккха баркал аьлар», - йоах тхога бенача хоамо. «Къона тохкама болхло» яхача яхьаша хIара шера берригача мехкара дешархой вIашагIтох. Тохкама болхлошца кхетаченаш еш, цар леладу гIулакх довзаш, шоай начIал гойташ ха дIахьу дешархоша.
