«Тахан 9 сахьат, 40 минот яьннача хана, цаӀ долча ха деча даькъ тӀа хоам бера «112» номерах, Долакоарча Фрунзе цӀерагӀча урамагӀа йовзаш йоаца цхьа хӀама кораяьй, аьнна. Цига баха хиннача «Тарко» оалача ПСО болхлошта хайра из Сийлахь-боккхача Даьймехка тӀема хана лаьттах яллийса хинна мина йолга, ший цӀа деш воаллача юртхочунна гучаяьлар из», - аьлар тхога хоам бечо. Гаьнара, 80 шу хьалха МагӀалбик лораеш, цӀий Ӏомехкадеш, лаьттача тӀема оаз хӀанз а хьахозаш я.