ГӀалгӀай къаман
юкъара газет

Кердадараш

ДикагӀа долча культуран цӀеной цӀераш яьхар

«ГӀалгӀай Республикан дикагӀа дола культуран ЦӀа» яха хьалхара республикан яхь йистеяьлар. Мехка культуран-салоӀама дикагӀа йола моттигаш гучаяхар, культуран болх лелаберий балха говзал лакхъяр духьа, из яхь дIаяхьар тӀадиллар вар ГӀалгӀай Республикан Кулгалхо Келаматанаькъан Махьмуд-Ӏаьла.

«Цу яхье хьалхара моттиг яьккхар Илдарха-ГӀалани Яндарени культуран цӀеноша. ШоллагӀа моттиг яьккхар СоагӀапчарча а Наьсарен кхален а культуран цӀеноша. КхоалагӀа моттиг – Арштерча Аки-Юртарча культуран цӀеноша. ГӀалгӀайчен культуран министра баркал аьлар Пхьилекъонгий-Юртарча, Чамалхарча, Оалкамарча, Галашкарча, Заьзгакъонгий-Юртарча, Кердача-Редантерча, МагӀалбик- Шахьарерча, Шолжа кхалерча культуран цӀеношта. ЛаьрххӀа дола жюре совгӀат делар Лаьжгерча культуран цӀен», - аьлар «Сердало» газетага, Россе цӀихезача артисткай Йовлой К. А. цӀерагӀча республикан халкъа кхоллама цӀен кулгалхочо, республикан культуран цӀихезача болхлочо Котанаькъан Марема. Цига гулбеннарашта доккха совгӀат хилар Гуцаранаькъан Микаила байтий книжка совгӀата массанена даларах. Цун байташта таржам даьр я поэтесса ГӀазданаькъан Аьсет. СовгӀата лаьрхӀа уж книжкаш дӀадийкъар республикан халкъа кхоллама цӀен кулгалхочо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде