ГӀалгӀай мехка ДПС ха тӀа латтарашта, малав ца хов саг чуийккхар
03.09.2024 15:38
Магасе хатар нийсделар, цига малав ца ховш вола цхьа саг ДПС ха тӀа латтача наха чуийккха, инспекторех цхьа саг юв Ӏетта лозаваь, моттиг нийсъелар, из саг цига вийнав, яхаш, дийцар «Сердало» газетага из хьал дика довзачар.
«Из саг ха деча моттига тӀавенав, наькъал дехьа а ваьнна, тӀакхийттав шин инспектора. Цо, царех цаӀ -Хьакхенаькъан Мухьмад - лозавир. Лозаваьчунца ха деш лаьттача шоллагӀча инспектора герз теха из вийнав», - йоах хоамо.
Чов хинна лозаваь инспектор дарбанче ва. Из валара кхерам болаш хӀама дац. Зуламхо малав тохкаш бола болх дӀахьош ба.
ГӀалгӀайчен тохкама комитета болхлой нийсденнача гӀулакхага хьожаш ба.
