«Хина турбаш Ӏочуяхка йолаяьй Слепцовски оалача урам тIа. Из керттера урам ба. Цу тӀара кхычахьа дӀайолхаш хургья турбаш. Ерригаш а 6 эзар 286 метр йӀаьха я уж. Болхлоша технологически балхаш дӀадихьад 150 мм шера йола полиэтилена турбаш Ӏочуйоахкаш. ГӀалгӀайчен Кулгалхочо Келаматанаькъан Махьмуд-Ӏаьлас хьалхагӀа, ГӀалгӀай мехка энергетикий министерствонна тӀадилладар карарча шера тишденна мотораш, насосаш эцара ахча юкъедахийта, аьнна. Массайолча кхоачамбоацараш долча моттигашта каьхаташ оттадаьд, уж дӀадахьийтад республикан гӀишлон министерстве, уж балхаш меттаоттадеш дӀадодар дӀалаьрхӀар, цу юкъе Наьсарен, Шолжа шахьараш а йолаш», - аьлар ГӀалгӀайчен Кулгалхочун а паччахьалкхен а зарбан болх лелабераша. 2023-2024 шерашка вайцига де лерхӀача коммунальни балхашта юкъедоагӀараш дукха да, къаьстта цӀена хий хургдолаш. Деррига а цунга дӀадодар 841 миллион сом да.